السلام عليكم اخواني ورحمة الله تعالي وبركاته

عارف الموضوع طووووويل ومسيخ لمن غلط لكن اقروه

موضوعي للنقاش اليوم كما ذكرت بعنوان الموضوع ظاهرة المنقول او النقل من المنتديات الاخري يعني مافي ولاحبة تعب في الموضوع البتعب صراحة الماوس قولو لي كيف ؟؟ كلكم عارفين كيف بتمسك الماوس وبتظلل الموضوع وبتضغط كليك يمين وبتختار كوبي في الحركتين ديل انت بتكون شلته مجهود زول سهر الليل كلو وممكن اكتر من ليله واحده روحو طلعت وماخلي ليو كباية شاي ولاقهوة الا وشربه وممكن حاجات تاني عشان يقدر يبدع في كتابة الموضوع او القصيده اوكي وتمش انت المنتدي بتاعك وتفتح موضوع جديد وتضغط كليك يمين وتعمل بيست الموضوع كلو يبقي عندك في صفحتك وبعد كدا تظبط الموضوع علي حسب مزاجك تغير الخط وتغير لون الخط وتعمل ليو تنصيف والكشب حق المواضيع البكون متوفر في المنتدي وكدا اذا مافي بتفتش ليك كم حركه كدا من برا بنفس الطريقه بتاعت جب الموضوع المهم .. اخر شئ بتضغط علي الزر بتاع اعتماد الموضوع الجديد والموضوع اتوماتيكيا بتحفظ والناس تجي تخش وتقراالكلام ولو كلام حلو يعني عن الحب والريده والشواكيش الشباب يقولو ليك سلمت يداك وماعارف شنو ولو كان ديني يقول ليك جزاك الله خيرا والله انا لو في محل اناس بقول ليك جزاء الله الماوس كل خير لانو هو التعب صاح ليه كدا ؟؟؟ ليه الناس تنهب مواضيع الغير بدون ماتديها ولو جزء بسيط من حقها نظير تعبهم وجهدهم ليه كدا تجي تلقاهو جاهز وتنسبو لي نفسك ياخ ماقلنا شئ بعد الماوس اشتغل ونقل ليك شغل الكيبورت شويه كمان واكتب انشاء الله من ماراق لي وماتعمل روحك نزار قباني وجايب الكلام من راسك لو انت اشتريت ليك مثلا قميص وعاجبك شديد وتعبته في السوق عشان تجيبو وكل اسبوع تغسلو وتكويهو وبخلان بيو علي روحك اجي واحد من اصحابك الفرد او اهلك او اي زول يلبسو بدون حتي مايكلمك تتفاجئ بيو قاشر بيو قدامك احساسك بكون شنو بتضايق صاح بس دي نفس الحكايه بتاعت نقل الموضوع ممكن اكون بالغته فيها لكن ياهو الشعور المهم اخواني المنتدي مااتعمل عشان الناس تعديها نقل ولفح من برا يعني همبته بي الواضح كدا .. عايزاين ابداع تميز اي حاجه لكن ماعايزين ملفوح ومن هنا ياشباب عايزين نعما حمله ضد اللفح والهمبته وسرقة مجهود الغير

اتمني انو الناس ماتفهمني غلط انا زاتي زما كنت بلفح هههه همباتبي كبير وشغال كوبي بيست لكن الحمد لله الله تاب علينا

لكم مني كل الود والاحترام

الموضوع الأصلي: ظاهرة النقل ( كوبي - بيست) || الكاتب: قاسي || المصدر: منتديات سامي السودانية

www.samimu.com

كلمات البحث

العاب ، برامج ، أغاني، تسلية، ترفيه،فرفشة

بسم الله الرحمن الرحيم

السلام عليكم و رحمة الله و بركاته

الأخ و الصديق العزيز (قاسي)
أوافقك في بعض النقاط و أخالفك في بعضها
- الشبكة العنكبوتية هي شبكة تشاركية و إذا بحثت عن شيء ما في محرك البحث قوقل مثلاً
فستجده في ملايين المواقع
إن لم يكن نفس الأسلوب فالمعلومة قد تكون متشابهة
- قد يكون كاتب الموضوع عضو واحد و مسجل في اكثر من موقع و ينقل كتاباته لكل المواقع التي يشارك بها (مثل الشعراء و الأدباء)
و قد يكون شخص آخر أُعجب بموضوع ما و إستفاد منه و قرر أن ينقله لأعضاء المنتدى الذي يتواجد به.
- هنالك مواقع تمنع نقل مواضيعها لأي مكان آخر و تحاكم أي شخص يسرق كتاباتها , كما أن هنالك كتاب يمنعون نقل كتاباتهم دون ذكر إسم الكاتب أو المصدر.

فيا عزيزي من المؤسف أن تجد شخص ينقل موضوع خاطرة مثلاً و ينسبه لنفسه ولا يكتب عبارة (منقول)

- فهنالك مواضيع لا تنقل لأنها تعبر عن ما بداخل إنسان و لابد من أن تقوم بكتابتها أنت فقط , مثل مواضيع الخواطر و النثر فهي كلام من خيال الشخص

- أما في رأيي المتواضع هنالك مواضيع يمكن لأي شخص أن ينقلها بشرط ألا يكون مكرر و أن يكتب المصدر الذي نقل منه أو يكتب عبارة منقول
مثل : مواضيع البرامج و الألعاب الإلكترونية و كل ما يختص بالكمبيوتر من شروحات

هنالك منتديات تخصص قسم خاص للمواضيع المنقولة التي يستفيد منها الجميع
و هنالك منتديات تخصص قسم بعنوان (لا للمنقول) للإبداعات الأدبية و للأقلام البارعة
مثل القسم (فضفضة و تجارب)


العيب ليس في النقل و لكن العيب في عدم حفظ الحقوق و كتابة المصدر الذي نُقل منه الموضوع

هنالك مواضيع موجودة في اي منتدى و حُفظت من الجميع

فعندما تقوم بنقل موضوع أنقل الموضوع النادر المفيد الغير مكرر



ملحوظة : منتدانا أصبح في الآونة الأخيرة أغلبه نقلتية

فكلنا ينقل ’ فنتمنى أن تزول هذه الظاهرة و لا تنقل إلا القليل من المواضيع المفيدة

و نرجو أن تكون المشاركة في مواضيع النقاشات الجادة أكثر من ما هي الآن
و أن تتحرك الأقلام قليلاً بدلاً من الماوس كما ذكر الأخ قاسي

و نرجو رجاء خاص أن تقل الردود السطحية التي لا تعجبني
مثل : يسلمووووو & يعطيك العافية & مشكووووور

و قبل الختام أسأل الأخ قاسي :
هل هذا الموضوع منقول ؟

فإذا كان منقولاً فأحسنت الإختيار
و إذا كان غير منقولاً فأبدعت بالرغم من التعصب و التسخين
و هذا إن دل فيدل على حبك و غيرتك على هذا المكان لا أكثر

و ختاماً سلام

يسرني ان أكون من اوائل المعلقين
على موضوعك المميز
والذي بالفعل نجد أنها أصبحت ظاهرة
والنقاط التي ذكرتموها رائعة جدا ليت الكثير منا يتنبه لها
بالتوفيق أخي قاسي

والله ياسامي انا ماقلته شئ ومااعترضته علي النقل لكن اللفح يكون بي فهم يعني الناس تلفح الموضوع عشان الناس تستفيد لكن اللفح يوصل للردود دي المشكله هنا ماعارف دي بقت كيف واحد لافح الموضوع بي ردودو حاولته افسره لقيت ان لمن عمل تظليل للموضوع عشان يهمبتو ماحدد صاح ظلل الموضوع وجزء من الردود
وسلمت انا ملك هههههه

كسره : لو انا بلفح جنس دا كان بقيت المدير ههههههه

كلامكم صاح والله وانا مع الراي البقول انو الزول يكتب انو الموضوع ده منقول
او عجبه واختار انو يطلعنا عليه وفي النهاية النقل بيكون عشان الفائدة تعم الناس كلها

اؤيد كلام الاخوان ، عملية النقل نطلق عليه بالدارجي ( الشف ) متاصلة وقديمة حتى ايام الجامعة كنا بنسميها (الترس ) وده كله عشان الواحد ينال الشكر علي مجهود غيره وده كسل وياثر علي خلايا المخ التي لا تجد منافذ للتفكير او بذ الجهد ، انا معاكم النقل واللفحي ده ما كويس الا في حاجات ذكرها المدير سابقاً.
وتقبلوا مروري

يا قاسي مامشكلة الكوبي مدام الموضوع جديد - تقبل مروري

سلام عليكم الاخوة الاكارم ورمضان كريم الله يجعله شهر خير وبركة على الامة السودانية والاسلامية جمعاء
وددت لو انني لم اكتب هذه المشاركة هنا ولكن لا يسعني الا ذلك
لأن ارسال رسالة خاصة يستوجب وجود 30موضوع او مشاركة

اخوتي الاكارم عتبي على المنتدى وعلى ناقل الموضوع" ولقد اغضبتني الحياة يا سيدتي "
أن ينقل الموضوع دون ان يذكر مصدره وكأنما هو مقتبس من احد الروايات او دويان رسائل
الموضوع لي وقد شاركت به في منتدى حصري لكتاباتي كلها تقريبا منتدى قمرنا السودانية
آمل من الادارة ومنم الأخ الذي انزل الموضوع على الاقل ذكر مصدره وكاتبه فربما سقط سهوا حين نقله
شكري وحبي واعتزاي بكم اخوتي واخواتي
وهذا رابط الموضوع الاصلي على منتدى قمرنا



وقد احزنني ان تنقله ايضا منتدى انا سوداني وسيكون لي حق التوصل اليهم بإذن الله


شكرا لتفهمكم ويا اخ سامي صاحب الموقع والمدير العام تصميم الموقع فعلا مبهر اتمنى لموقعك المزيد من الازدهار والتطور
وتحت خدمتك


واعتذر عن كتابة ايميلي بالعام وقد كتبته لتلقي الاستفسار او اي توضيح اذا ما وجد



________________________________


هذه مشاركة و شكوى وصلتنا بسبب ظاهرة النقل و اللصق دون ذكر المصدر أو على الأقل كلمة (منقول)

فرجاء خاص عند نقل موضوع مثل القصائد أو المواضيع الأدبية أو المواضيع التي تكتب بواسطة أعضاء في منتديات أخرى و حصرية

كتابة المصدر

أو الإبتعاد عن النقل


- و نيابة عن كاتبة الموضوع
نعتذر لك يا عزيزنا
و لك العتبى حتى ترضى

اخواتي واخوتي الاكارم
مساكم الله بالورد والزهر والريحان وكل ماهو غالي وثمين ومن اطيب البحر والبسكم اجمل المرجان
اخي سامي لقد سعدت بدعوتك لي وانني اخر ما اريده هو الاعتذار عن اخطاء الاخرين رغم تفهمي للاخ الذي نقله ربما عن طريق الخطأ او سقط سهوا كما ذكرت ذكر صاحب الموضوع

نقل المواضيع هي مشكلة عانيت منها كثير من الزمن خصوصا بعملي في الاشراف باحدى المنتديات
سادتي انني اتفهم حدة الاخ سامي في الطرح ومحاولة ايجاد حل لهذه المشكلة واعذره في سرده للموضوع
رأيي في النقل اخوتي :
انا لا أمانع كلياً في النقل ان تنقل مواضيع من اي منتدى وومن اي موقعاً كان هذا حقك نقله للفائدة ولكن بشرطين :
اولاً ذكر مصدر المعلومة التي اتيت بها والموضوع الذي نقلته تصدقون حتى المعلومات الطبية والمعلومات الحساسة كنت اصر على الاعضاء فيما سبق ذكر مصدرها لان معلومات مثل تلك يستوجب لها مصدر الكتابة شي راقي جدا ولكن يجب علينا ان نقيم انفسنا ونخاف الله فيما نكتب ونصدق فيما كتبناه ونفعل ذلك باخلاص وامانة والامانة الادبية تستوجب ذكر المصدر

ثانياً ان لا يكون المشهور عن المنتدى هو النقل اي ان لانبني منتدانا على ماهو منقول وعلى مجهودات منتديات أخرى ذلك سخف وامر غير مقبول وكذلك لا يحظى هذا الموقع ايا كان وصاحبه لا يحظن بالاحترام الكامل من اصحاب المواضيع وكذلك الكتاب والمثقفون لأنه قائم على مجهودات الاخرين
كما ذكرت انقل ولكن لا تكون نسبة النقل في مواضيع هي الأكبر المنتدى مفتوح للمبدعين والمثقفين فابدع وان لم تكن مبدعاً فحاول فالكل هنا يساعد بعضه

اعتذر في حدة لهجتي ولكن للاستبيان ايضا سادتي بعض المواضيع المنقولة دون ذكر مصدرها تضع المنتدى وصاحبه في حرج ادبي وكذلك تحت طائلة القانون -قانون حفظ الملكيات الفكرية الالكترونية -
هذه للفائدة واعتذار اخوتي مقبول وارجو ان الاخ الذي نقل موضوعي ولكم اغضبتني الحياة يا سيدتي ان يكون قد استفاد منه وكذلك القراء
حبي لكم

وليد صالح